அஜித்தால் அப்புக்குட்டிக்கு கிடைத்த அமெரிக்க வாய்ப்பு..!!

சுசீந்திரன் இயக்கிய 'அழகர்சாமியின் குதிரை' படத்தில் சிறப்பாக நடித்ததற்காக தேசிய விருது பெற்ற நடிகர் அப்புக்குட்டி, அஜித் நடித்த 'வீரம்' மற்றும் 'வேதாளம்' ஆகிய படங்களில் நடித்துள்ளார். அதுமட்டுமின்றி அப்புக்குட்டிக்காக அஜித், ஒரு ஸ்பெஷல் போட்டோஷூட்டிங் நடத்தியுள்ளார் என்பது தெரிந்ததே.

இந்நிலையில் அஜித் தற்போது நடித்து வரும் 'தல 57' படத்திலும் ஒரு முக்கிய கேரக்டரில் நடிக்கவுள்ளதாக வெளிவந்த செய்தியினை ஏற்கனவே பார்த்தோம். தற்போது வெளிநாட்டு படப்பிடிப்பில் இருக்கும் 'தல 57' குழுவினர் சென்னை திரும்பியதும் அப்புக்குட்டி சம்பந்தப்பட்ட காட்சிகள் படமாக்கப்படும் என கூறப்பட்டது.

ஆனால் தற்போது வெளிவந்துள்ள புதிய தகவலின்படி அப்புக்குட்டியின் காட்சிகள் அமெரிக்காவில் படமாக்கப்படவுள்ளதாக கூறப்படுகிறது. இந்த தகவலை அப்புக்குட்டியும் பேட்டி ஒன்றில் உறுதி செய்துள்ளார்.